8 июня 2018 - Веб-редактор
Алдымен құрылыс жұмыстары жүргізіліп жатқан «Арқалық құс бройлері» фабрикасына кіріп шықты. 2018-2022 жылдар аралығына жүзеге асырылуы көзделіп отырған инвестжобаның құны – 900 млн теңгені құрайды.
Облыс басшысы кейін «Торғай ет комбинатына» барып, құрылыс барысымен танысып шықты. Бірнеше құрылыс жұмыстары орындалған нысан қолданысқа берілетін күн алыс емес.
Архимед Бегежанұлы одан өзге элеватор құрылысымен, қалалық аурухана және ішкі істер басқармасының жұмыстарын қадағалап қайтты.
Іс-сапар соңында Қазақстанның Халық әртісі Әнуар Боранбаевтың 70-жылдығына арналған іс-шараның куәсі болды. Атақты актердың құрметіне келген М.Әуезов атындағы театр ұжымына және ондағы елімізге әйгілі әртістерге алғасын білдіріп, сый-сияпат көрсетті.
Ақбота САҚҰЛОВА
Жалғасын газеттің алдағы санынан оқи аласыздар
