8 мая 2015 - Веб-редактор
Ұлы Жеңіске 70 жыл толуына орай, Отан үшін от кешкен ардагерлердің есімін ұлықтау мақсатында, аудандық балалар кітапханасы «Бейбіт өмір сыйлаған Ұлы Жеңіс» атты әдеби-сазды қойылым кеш өткізді.
Кешке мектеп оқушылары атсалысып, жеңістің оңайлықпен келмегенін, «Өткенді өнеге тұтып, батыр аталарымыздың ерлік істеріне бас ию парызымыз» деген пікірлерін айтып, өз өлеңдерін нақышына келтіріп жатқа оқыды. Кеште Ұлы Отан соғысы басталып, ер азаматтардың бәрі майдан даласына аттанып жатқан абыр-сабыр кезеңді көз алдыңа әкелетін шағын қойылым сахналанды. Сондай-ақ «Ешкім ешқашан ұмытылмайды» атты кітап көрмесі ұйымдастырылып, оқырмандарға шолу жасалды.
